.png&w=1080&q=75)
«Әлеуметтік жұмыс» білім беру бағдарламасының апталығы аясында Esil University-де Б-ӘЖ 24/1 Қ және Б-ӘЖ 25/23 Қ топтарының студенттеріне арналған «Нақты әлеуметтік мәселелерді шешеміз!» тақырыбында интерактивті ойын форматындағы ашық сабақ өткізілді. Іс-шараны «Әлеуметтік жұмыс және туризм» кафедрасының аға оқытушысы Манабаев А. Б. ұйымдастырып, жүргізді.
Сабақ барысында студенттер нақты әлеуметтік жағдайларды талдап, қоғамдағы өзекті мәселелерді талқылады, оларды шешудің ықтимал жолдарын ұсынды және әлеуметтік қызметкер рөлінде алған білімдерін тәжірибеде қолданды.
Сыни ойлауды, командалық жұмыс дағдыларын дамытуға, кәсіби шешімдер қабылдауға және қиын өмірлік жағдайға тап болған адамдарға жеке көзқарас қалыптастыруға ерекше назар аударылды. Интерактивті формат теориялық дайындықты кәсіби білімді тәжірибеде қолданумен ұштастыруға мүмкіндік берді.
Ашық сабақ студенттердің кәсіби құзыреттіліктерін, әлеуметтік жауапкершілігін дамытуға және әлеуметтік қызметкер мамандығының маңызын терең түсінуге ықпал етті. Мұндай сабақтар әлеуметтік мәселелерді тиімді шешуге және қоғамның дамуына үлес қосуға қабілетті білікті мамандарды даярлауға көмектеседі.