Esil University студенттері «Жансая» арнаулы әлеуметтік қызметтер көрсету орталығына барды

«Әлеуметтік жұмыс» білім беру бағдарламасының апталығы аясында Esil University-дің Б-ӘЖ 24/1 Қ және Б-ӘЖ 25/23 Қ топтарының студенттері Астана қаласы әкімдігінің «Жансая» арнаулы әлеуметтік қызметтер көрсету орталығы» КММ-не барды. Көшпелі дәрісті «Әлеуметтік жұмыс және туризм» кафедрасының аға оқытушысы Манабаев А. Б. ұйымдастырды.

Сапар барысында студенттер мекеменің қызметімен, қызмет алушылардың санаттарымен, арнаулы әлеуметтік қызметтер көрсету ерекшеліктерімен, бейінді мамандардың жұмысымен және орталықтың оңалту мүмкіндіктерімен танысты.

Әлеуметтік қолдауды ұйымдастыру, оңалту және мамандардың пәнаралық өзара іс-қимылы мәселелеріне ерекше назар аударылды. Көшпелі сабақ студенттерге теориялық білімдерін бекітуге, болашақ мамандықтарының тәжірибелік қырларын түсінуге және халықты әлеуметтік қорғау жүйесіндегі әлеуметтік қызметкердің рөлін тереңірек ұғынуға мүмкіндік берді.

Мұндай іс-шаралар болашақ мамандардың кәсіби құзыреттіліктерін қалыптастыруға және әлеуметтік жауапкершілігін арттыруға ықпал етеді. «Әлеуметтік жұмыс және туризм» кафедрасы «Жансая» орталығының ұжымына жылы қабылдауы, ынтымақтастығы және әлеуметтік қызметтер көрсету тәжірибесімен танысуға мүмкіндік бергені үшін шынайы алғыс білдіреді.