.png&w=1080&q=75)
Esil University-де «Бизнес және басқару» факультетінің басшылығы бітіруші курс студенттерімен кездесу өткізді. Жиналысқа факультет деканы, экономика ғылымдарының кандидаты, профессор Алина Гульжан Балтабаевна және деканның орынбасары, экономика ғылымдарының магистрі Конуркульжинова Тогжан Маратовна қатысты.
Кездесу барысында оқу процесін ұйымдастыру, академиялық күнтізбені сақтау, бірінші аралық бақылаудың нәтижелері, сабаққа қатысу және академиялық үлгерім мәселелері қарастырылды. Оқу міндеттемелерін уақытылы орындауға, академиялық қарыздардың туындауына жол бермеуге, сондай-ақ оқу ақысын төлеу туралы шарт талаптарын сақтауға ерекше назар аударылды. Студенттерге 2026 жылғы 1 желтоқсанға дейін оқу ақысын толық төлеу қажеттігі ескертілді.
Сонымен қатар дипломалды практиканы ұйымдастыру, оның өту мерзімдері, қажетті құжаттарды дайындау және есептерді рәсімдеу талаптары талқыланды. Қорытынды мемлекеттік аттестаттауды өткізу тәртібі, түлектерді аттестаттауға жіберу шарттары және дайындыққа қойылатын негізгі талаптар түсіндірілді.
Кездесу қорытындысы бойынша студенттерге академиялық тәртіпті сақтау, оқу талаптарын уақытылы орындау және оқудың қорытынды кезеңдеріне сапалы дайындалу жөнінде ұсынымдар берілді. Мұндай кездесулер түлектердің хабардарлығын арттыруға және білім беру бағдарламасын табысты аяқтауға дайындығын қамтамасыз етуге ықпал етеді.