Инвестициялық портфельді қалыптастыру және басқару мәселелері бойынша қонақ дәрісі өтті

Esil University-де «Шақырылған профессор» бағдарламасы аясында «Қаржы» білім беру бағдарламасының студенттері мен магистранттарына арналған қонақ дәрісі өтті. Дәрісті Екатеринбург қаласындағы Орал мемлекеттік экономика университетінің «Қаржы, ақша айналымы және несие» кафедрасының доценті, экономика ғылымдарының кандидаты А.Н. Волков жүргізді. Дәріс тақырыбы – «Бағалы қағаздардың инвестициялық портфелін қалыптастыру және басқару қағидаттары».

Кездесу барысында қаржы нарықтарының қазіргі даму үрдістері және инвестициялық қызметті тиімді ұйымдастыру мәселелері қарастырылды. Спикер инвестициялық портфельді қалыптастырудың негізгі кезеңдеріне, бағалы қағаздарды таңдауда ескерілетін факторларға және инвестициялық шешім қабылдау ерекшеліктеріне тоқталды.

Сонымен қатар табыстылық пен тәуекел арасындағы оңтайлы арақатынасты анықтау, нарықтық белгісіздік жағдайында инвестициялық стратегияны таңдау және қаржы құралдарын бағалау мәселелері талқыланды. Дәріс теориялық білімді практикалық мысалдармен ұштастырып, білім алушылардың инвестициялық қызмет туралы түсінігін кеңейтуге мүмкіндік берді.

Дәріс соңында студенттер мен магистранттар тақырып бойынша сұрақтар қойып, спикермен пікір алмасты. Мұндай кездесулер білім алушылардың кәсіби құзыреттерін дамытуға, қаржы саласындағы заманауи тәжірибемен танысуға және теориялық білімдерін тәжірибемен ұштастыруға ықпал етеді.