Esil University-де басқарушылық талдау пәнінен ашық практикалық сабақ өтті

Esil University-де «Басқарушылық талдау» пәні аясында «Бюджеттеу және ауытқуларды талдау» тақырыбында «Есеп және аудит» білім беру бағдарламасының 4-курс студенттері, БУиА-23/1 Р және БУиА-24/23 Р топтары үшін ашық практикалық сабақ өткізілді. Сабақты экономика ғылымдарының магистрі, «Есеп және аудит» кафедрасының аға оқытушысы Оралбекова Жанат Курбановна жүргізді.

Сабақтың негізгі мақсаты теориялық білімді бекіту, бюджеттеу, нақты және жоспарлы көрсеткіштер арасындағы ауытқуларды есептеу мен талдау бойынша тәжірибелік дағдыларды қалыптастыру болды. Сабақ барысында кәсіпорын бюджеттерінің жүйесі, икемді бюджетті қалыптастыру ерекшеліктері, материалдық және еңбек шығындарын талдау әдістері, сондай-ақ анықталған ауытқулардың ұйым қызметінің нәтижелеріне әсері қарастырылды.

Практикалық бөлімде ситуациялық есептер шешіліп, өндірістік көрсеткіштер талданды және кәсіпорын қызметінің тиімділігін арттыруға бағытталған ұсыныстар әзірленді. Оқытушы проблемалық оқыту, ситуациялық талдау және интерактивті талқылау әдістерін қолданды. Студенттер есептеулер жүргізуге белсенді қатысып, ауытқулардың себептерін талдап, басқарушылық шешімдерді негіздеді.

Ашық сабаққа бақылаушы ретінде экономика ғылымдарының магистрі, аға оқытушы Михайлина И.Н. және экономика ғылымдарының докторы, профессор Бекжанова Т.К. қатысты. Сабақ қорытындысы бойынша оқу процесінің жоғары ұйымдастырушылық деңгейі, материалдың тәжірибелік бағыттылығы және білім алушылардың белсенділігі атап өтілді. Өткізілген сабақ болашақ есеп және аудит мамандарының аналитикалық ойлау қабілеті мен кәсіби құзыреттіліктерін дамытуға ықпал етті.