Esil University студенттері Қазақстанның өңірлік бюджеттері бойынша жобаларын таныстырды

Esil University-де экономика ғылымдарының докторы, профессор К.О. Шаяхметованың жетекшілігімен Қазақстан Республикасының өңірлік бюджеттерін талдауға арналған сабақ өтті. Студенттер «Атырау облысының 2024–2026 жылдардағы бюджеті» (Е. Камбар) және «Павлодар бюджеті» (И. Каримова) тақырыптарындағы жобаларын таныстырды.

Сабақ барысында өңірлік бюджеттерді қалыптастыру ерекшеліктері, өзекті экономикалық мәселелер және бюджет саласындағы өзгерістер қарастырылды. Студенттер зерттеу нәтижелерін ұсынып, негізгі мәселелерді талқылап, өзара пікір алмасты.

Іс-шараға кафедра оқытушылары Н.М. Алашбаева және М.А. Муханбетжанова қатысты. Сабақ студенттердің талдау дағдыларын дамытуға және теориялық білімдерін тәжірибеде бекітуге ықпал етті.