Көмек қай жерде аяқталып, алдау қай жерден басталады? Esil University-де академиялық адалдық мәселелері талқыланды

Esil University-де Қолданбалы ғылымдар факультетінің студенттері арасында академиялық адалдық тақырыбында пікірталас өтті. Іс-шараны әлеуметтік-гуманитарлық пәндер кафедрасының оқытушылары Ускенбаева С. Т. және Кузнецова А. И. ұйымдастырды.

Б-Математика-26/1Қ, Б-АЖ-26/1Қ, Б-АЖ-26/2Қ және Б-АЖ-26/3Қ топтарының студенттері білім беру ортасындағы этикалық мәселелерге арналған екі практикалық кейсті қарастырды. «Аюдың көмегі» атты бірінші кейс жасанды интеллектіні қолданудың рұқсат етілген шекаралары мен академиялық адалдық қағидаттарын бұзу арасындағы айырмашылықты анықтауға бағытталды.

«Командалық жоба және жауапкершіліктен жалтарушы» атты екінші кейсте жеке жауапкершілік, міндеттерді әділ бөлу және топтық тапсырмаларды орындау кезіндегі этикалық мінез-құлық мәселелері талқыланды. Пікірталас барысында студенттер ұсынылған жағдайларды талдап, өз көзқарастарын дәлелдеп, ықтимал шешімдер ұсынды.

Пікірталас қорытындысында қатысушылар академиялық адалдық тек белгіленген ережелерді сақтау ғана емес, сонымен қатар студенттің тұлғалық кемелденуінің маңызды құрамдас бөлігі екенін атап өтті. Білім беру үдерісінде жасанды интеллектіні пайдаланудың нақты қағидаларын әзірлеу қажеттілігіне ерекше назар аударылды.