Esil University-де «Қаржы» мамандығының студенттеріне арналған «НАРЫҚ» экономикалық ойыны өтті

Esil University-де «Қаржы» кафедрасының онкүндігі аясында студенттердің Quen компаниясының негізін қалаушы Г. Сареновамен кездесуі өтті. Іс-шара экономика ғылымдарының докторы, «Қаржы» кафедрасының профессоры К. О. Шаяхметованың жетекшілігімен ұйымдастырылды. Кездесуге Б-Фин 24/1Р, Б-Фин 25/23 және Б-Фин 26/22 топтарының студенттері қатысты.

Кездесу барысында Г. Саренова өз компаниясын құру тәжірибесімен бөлісіп, кәсіпкерлік қызмет және қазіргі қаржы нарығының мүмкіндіктері туралы айтып берді. Іс-шараның практикалық бөлімі «НАРЫҚ» атауын алған «Нарық симуляторы» экономикалық ойыны форматында өтті.

Студенттер екі командаға бөлініп, әрқайсысына тиісінше 300 және 400 мың шартты ақша бірлігі көлемінде бастапқы капитал берілді. Белгіленген уақыт аралықтарында қатысушылар активтерді сатып алу туралы шешімдер қабылдап, нарықтық мүмкіндіктерді талдап, капиталды ұлғайту стратегияларын әзірледі. Екі команда да бастапқы қаражаттарын көбейтіп, жақсы нәтижелер көрсетті.

Ойын соңында Г. Саренова қорытынды жасап, қатысушыларды жетістіктерімен құттықтады. Іс-шара студенттердің қаржылық ойлау қабілетін, талдау дағдыларын, инвестициялық шешімдер қабылдау және командада жұмыс істеу қабілеттерін дамытуға ықпал етті. Сонымен қатар студенттерге теориялық білімдерін нақты қаржы нарығының жағдайларына жақын ортада қолдануға мүмкіндік берді.