Болашақ талапкерлерді тарту және жоғары білімді насихаттау жұмысын жалғастыра отырып, Esil University Ақмола облысындағы кәсіптік бағдар беру іс-шараларының географиясын кеңейтуде.
2026 жылғы 5–6 қарашада университет өкілдері — кәсіптік бағдар беру жұмысы бөлімінің басшысы, қабылдау комиссиясының жауапты хатшысы Аханов Берік Үтельбайұлы және кәсіптік бағдар беру жұмысы бөлімінің жетекші маманы Нұрсейітов Азамат Серікұлы — Ақмола облысы Бурабай ауданының Щучинск қаласындағы білім беру ұйымдарында бірқатар кәсіптік бағдар беру кездесулерін өткізді.
Екі күндік сапар аясында университет өкілдері төмендегі білім беру ұйымдарына барды:
- «Щучинск қаласының № 1 мектеп-гимназиясы» КММ;
- «Щучинск қаласының № 2 жалпы білім беретін мектебі» КММ;
- «Щучинск қаласының П. И. Морозов атындағы № 3 жалпы білім беретін мектебі» КММ;
- «Щучинск қаласының № 4 жалпы білім беретін мектебі» КММ;
- «Щучинск қаласының № 5 жалпы білім беретін мектебі» КММ;
- «Щучинск қаласының № 6 жалпы білім беретін мектебі» КММ;
- «Щучинск қаласының № 7 мектеп-лицейі» КММ;
- «Щучинск қаласының № 8 мектеп-гимназиясы» КММ;
- «Щучинск қаласының № 9 мектеп-гимназиясы» КММ;
- «Щучинск қаласының «Білім-инновация» IT лицей-интернаты» КММ;
- Ақмола облысы білім басқармасының жанындағы «Жоғары техникалық колледж, Щучинск қаласы, Бурабай ауданы» МКҚК.
Кездесулер барысында мектеп оқушылары мен колледж студенттері Esil University, оның білім беру бағдарламалары, даярлау бағыттары және оқудың артықшылықтары туралы көбірек білуге мүмкіндік алды. Университет өкілдері оқуға түсу шарттары, қабылдау науқанының ерекшеліктері, сапалы жоғары білім алу мүмкіндіктері, сондай-ақ түлектердің кәсіби қалыптасуы мен мансаптық өсу перспективалары туралы кеңінен баяндады.
Болашақ талапкерлермен тікелей қарым-қатынас жасауға ерекше назар аударылды. Бітіруші сынып оқушылары мен студенттер ұсынылған ақпаратқа қызығушылық танытып, білім беру бағдарламаларын таңдау, оқуға түсу тәртібі, студенттік өмір және университетті аяқтағаннан кейінгі мүмкіндіктер туралы белсенді түрде сұрақтар қойды.
Мұндай кездесулер Esil University кәсіптік бағдар беру қызметінің маңызды бөлігі болып табылады. Олар жастарға жоғары білім туралы сенімді ақпарат алуға, университеттің мүмкіндіктерімен танысуға және болашақ мамандығын саналы түрде таңдауға көмектеседі.
