.png&w=1080&q=75)
Саясаттану және философия пәндерінің оқытушылары Жақан М.Қ. мен Ешниязова А.Ч. Республика күніне орай «Тіл, сана және егемендік: XXI ғасырдағы ойлау егемендігі» тақырыбында «Статистика – 2» тобының 2-курс студенттеріне арналған тәрбие сағатын өткізді.
Ашық пікірталас барысында қатысушылар қазақ тілінің елдің мәдени егемендігін сақтаудағы рөлін, жалған ақпараттың таралуы жағдайындағы сыни ойлау мен ақпараттық сауаттылықтың маңызын, сондай-ақ «Адал азамат» тұжырымдамасының қағидаттарын талқылады. Академиялық адалдық, экологиялық мәдениет, заң талаптарын сақтау және әрбір азаматтың Қазақстанның болашағы алдындағы жеке жауапкершілігіне ерекше назар аударылды.
Интерактивті миға шабуыл аясында студенттер шағын топтарға бөлініп, «Ойлау егемендігін қорғауға арналған ақпараттық гигиенаның 5 ережесі» тақырыбында чек-парақтар әзірледі. Ұсынылған ережелердің қатарында ақпараттың бастапқы дереккөздерін тексеру, экран алдында өткізетін уақытты шектеу, кітап оқу, Қазақстан тарихын зерделеу және кәсіби дағдыларды дамыту болды. Іс-шара студенттердің сыни ойлау қабілетін, азаматтық жауапкершілігін және ел тәуелсіздігін сақтауға деген саналы көзқарасын қалыптастыруға ықпал етті.