Esil University «Есеп және аудит» кафедрасында академиялық адалдықтың жоғары білім сапасын қамтамасыз етудегі рөліне арналған семинар өтті. Іс-шара білім алушылар мен оқытушылардың академиялық адалдық қағидаттары туралы хабардарлығын арттыруға және академиялық құқықбұзушылықтардың алдын алуға бағытталды.
Семинарды «Есеп және аудит» кафедрасының аға оқытушысы Михайлина И.Н. ұйымдастырды. Қатысушылар академиялық ортадағы өзекті мәселелерді, соның ішінде плагиат, көшіріп алу, дәйексөз келтіру ережелері, оқу жұмыстарын өз бетінше орындау және жасанды интеллект технологияларын оқу мен ғылыми қызметте орынды пайдалану мәселелерін талқылады. Семинарға Бекжанова Т.К., Алиев М.К., Абдрахманов М.А., Успамбаева М.К., Оралбекова Ж.К., Ғали Д.Ә., Конуркульжинова Т.М. және «Статистика» білім беру бағдарламасының студенттері қатысты.
Семинар қорытындысы бойынша қатысушылар академиялық адалдық қағидаттары мен академиялық құқықбұзушылықтардың алдын алу шаралары туралы білімдерін жүйеледі. Іс-шара жауапкершілік, объективтілік және өзара құрмет мәдениетін нығайтуға, сондай-ақ университетте адал академиялық орта қалыптастыруға ықпал етті.