Esil University өкілдері Ақмола облысы Астрахан ауданының Астрахан ауылындағы №1 мектеп-гимназиясы мен №2 жалпы білім беретін мектепте кәсіби бағдар беру жұмыстарын жүргізді.
Кездесулерге қабылдау комиссиясының жауапты хатшысы, кәсіби бағдар беру бөлімінің басшысы Б.Ө. Аханов және «Ақпараттық жүйелер және технологиялар» кафедрасының меңгерушісі, PhD А.Ұ. Мұхиядин қатысты.
Іс-шаралар барысында оқушыларға университеттің білім беру бағдарламалары, мемлекеттік білім беру гранттары, академиялық ұтқырлық бағдарламалары және халықаралық білім беру мүмкіндіктері туралы ақпарат ұсынылды. Сонымен қатар мамандық таңдау мәселелері қарастырылып, университетке қабылдау тәртібі түсіндірілді және оқушылардың сұрақтарына жауап берілді.
Кездесулер оқушылардың кәсіби өзін-өзі айқындауына қолдау көрсетуге және жоғары білім алу мүмкіндіктері туралы хабардарлығын арттыруға бағытталды.
